Hér má sjá fyrsta skammtin af portrait seríunni sem ég hef verið að vinna að upp á síðkastið.
Planið er að halda þessu eitthvað til streitu og klára a.m.k 20 stk….

Hér má sjá teikningu sem stúlka á Flickr teiknaði eftir einni af ljósmyndunum mínum.
gaman að þessu!

Er blogg og þessháttar pot á lýðnetinu ekki óttaleg skyndibitaframreiðsla, þar sem menn og konur keppast við að framreiða gómsæta smárétti með eins reglulegum hætti og frekast er unnt?
Ég meina það er ekki eins og fólk eins og ég hafi eitthvað stórkostlegt til málana að leggja sem skiptir sköpum fyrir þjóðlífið.

Sama finnst mér gilda um vinsældarrúnk á síðum eins og flickr…. kannski er það bara lýðnetshangsið yfir höfuð sem er voðalega 90´s eitthvað?

Dagurinn í gær fór í hljóðupptökur á efni Rhondda and the Runestones í hjarta Ghettósins, nánar tiltekið í Græna húsinu

Það liggur ljóst fyrir að það er þrælavinna að vera tónlistarmaður svo ég tel líklegt að ég setjist í helgan stein þegar fyrsta platan hefur selst í svona milljón eintökum eða svo, en vissulega er gaman að sjá sköpunarvek þessa fjölskrúðuga hóp fólks öðlast sjálfstæð líf og hefja sig til flugs…..

Hversu hátt það flýgur eða hvort það nær einhverju flugi á annað borð verður tíminn svo að leiða í ljós.

Hljóðdæma ætti að vera að vænta hér á lýðnetinu og vonandi á öldum ljósvakans áður en mjög langt um líður.

Inn á milli sorpsins sem vellur úr öllum rásum sjónvarpsstöðvana má finna eitt og eitt atriði sem auðgar andann og styrkir mann í þeirri von að mannfólkið sé a.m.k að hluta til nokkuð töff.

Rétt á hæla þess sem sveitalubbar í henni Ameríku lýstu því hvað líf þeirra muni gjörbreytast og hamingjan hlotnast þeim í ríkum mæli eftir yfirferð lýtalæknamafíunnar í Extreme Makeover rakst ég á þetta í ríkissjónvarpinu sem mér er selt að mér forspurðum.

Ég er að pæla í að vera rússi þegar ég verð stór!

Ég er með hugmynd að frábærum lið í Fréttatíma sjónvarpsins.
Hann gæti heitið “Bloggari svarar”.

Þar væru nafntogaðir bloggaðar nappaðir einhverstaðar þar sem þeir ættu síst á því von og þeir látnir færa rök fyrir síðustu færslu sinni í eigin persónu og on camera

það var einmitt þetta sem gerðist í Fréttatímanum í gær og það var engu líkara á fasi konunnar sem þar var látinn svara fyrir vantraustyfirlýsingu sína á Forseta lýðveldis vor sem hún tíundaði af miklu öryggi á blogi sínu og hvergi blygðun að sjá úr skrifum hennar að hún hefði kúkað undir rúmið sitt rígfullorðin konan og nú semsagt hefði komist upp um allt saman.

Stórskemmtilegt allt saman!