Nú árið er liðið
í aldanna skaut
og aldrei það kemur til baka

Ok það er ekki alveg búið en þetta verður seinasta pár mitt hér á þessu ári og þakka ég áheyrnina á því herrans ári 2003 sem nú er að syngja sitt síðasta

Úrdráttur úr því merkilegasta sem zeranico hefur áorkað á þessu ári ásamt einhverjum skammastrikum verður birtur hér innan skamms

Gleðilegt Ár

Hér á eftir fer saga sem rak á fjörur mínar rétt í þessu, og Ég hreinlega stóðst ekki mátið að deila henni með ykkur

Sagan af ,,skets” sem aldrei fór í loftið á lagmenning.is

taka ber fram að Þetta ku vera dagsönn frásögn af dissaranum ógurlega

Beware

Gert er ráð fyrir heimsendi nú um áramótin….

Allir sem vilja láta eitthvað gott af sér leiða og tryggja sér um leið vist í himnunum er bent á að leggja allt sitt fé inn á Gullreikning zeranico holdings sem ber númerið 0301-26-777

Sóðar Gundir

Jólin eru að mestu um garð gengin með öllum þeim kræsingum sem þeim fylgja alla jafna.
Ég sit hér mettur af kjötmeti, sælgæti og misgóðum kvikmyndum og veit vart í þennan heim né annan

Mikið er gott að vera hvítt hyski á íslandi á tímum sem þessum, Ég er hræddur um að Bjartur í sumarhúsum hefði ekki slegið hendinni á móti svonalöguðu.

Kannski maður skelli sér á Singapore Sling á sunnudag ……

Ég óska ykkur lesendum mínum Gleðilegra Jóla og farsældar á komandi ári

Ég ætla að láta það vera að sóða úr skálum geðsýki minnar svona korter í Jól og vona að þið getið í það minnsta étið á ykkur gat þó það væri nú ekki annað
Heimilislausum bendi ég á Rauða Krossinn og Pólitíkusum Krossinn í kópavogi ef þörfin á hjálpræði verður yfirþyrmandi um hátíðarnar

Góðar Stundir

p.s ég setti tvær einkar jólalegar myndir í Gallerýið ykkur til ánægju og yndisauka

Ég droppaði lítillega við á margumtalaðri Andkristnihátíð nú í kveld, og má sjá fáeinar myndir sem ég tók við það tækifæri í Gallerýinu góða

Einhvertíma hef ég tekið betri myndir, en miðað við skilyrðin og flassleysi má þetta teljast barasta nokkuð þolanlegt

fyrir hartnær tveim áratugum var ég eitthvað sem þá kallaðist Pönkari.
Það fól í sér að ég klæddist leðurfötum skreyttum járngöddum svo eitthvað sé nefnt.
Hlustaði á Andþjóðfélagslega tónlist og þar fram eftir götunum.

án þess að fara eitthvað að tíunda minn stíl á þessum árum eitthvað frekar í leiðinlega sjálfskynhneigðri langloku langar mig að benda á greinilegan mun á þessum svonefndu pönkurum nú í dag og svo aftur þegar ég var slíkur púki.

ég held ég geti fullyrt að hvergi er jafn öruggt að maður lendi ekki í ölvuðum vitleysingum gubbandi yfir mann eða eitthvað þaðan af verra á Tónleikum sem fram koma sveitir í þessum geira.
á níunda áratugnum létu pönkarar aftur á móti öllum illum látum og sóðuðu í sig öllum þeim vímugjöfum sem hægt var að koma höndum yfir og skipti einu um hvort um var að ræða Lím í túbu eða Vín í flösku og menningin var allsráðandi, hvort sem um var að ræða á opinberum skemmtunum nú eða bara niðrá Hlemmi

Ungpönkarar nútímans virðast eitthvað vera eitthvað betur af Guði gerðir hvað þetta snertir og get ég ekki séð annað en að þeir séu til fyrirmyndar í hvívetna

Lifið Heil

Á morgun mánudaginn 22. desember verður haldinn í fjórða sinn svokölluð Andkristnihátíð að Hólmaslóð 2 101 Reykjavík
ég held að landsmenn velflestir hefðu gott af að sljákka svolítið í jólageðveikinni með svolítilli Pönk/Rokk tónlist að hætti Sigga Pönk og fleirri kátra pilta

zeranico hefur ekki sótt þessa hátíð fyrr en vel gæti farið að svo yrði nú fyrir þessi jól?
Það er fátt eins frískandi og að hlýða á Fagra tóna Forgarðsins og einnig hef ég einstaka skemmtun af að sjá ungar og hressar hljómsveitir sem ég veit kannski engin deili á

Gleðilega Andkristnihátíð

á meðan afkvæmið sóðar í sig kókókúlum og kornhringjum sit ég hér þreyttur og illa til reika og góni inn í hyldýpi alnetsins
Snjórinn úti minnir óneitanlega á Jólin sem nú eru bara rétt handan við hornið.

Boðskapur Jólanna hefur að mér finnst farið fyrir ofan garð og neðan í öllum góðærunum sem gengið hafa hér um garð og er þetta nú Hátíð kaupsýslumanna og verslunargreifa
Það er sjálfsagt allt gott um það að segja á meðan Fjölskyldur koma saman og börnin Gleðjast

Kvíðir Barnið þitt Jólunum?

X-Mas Tónleikarnir eru afstaðnir og verð ég að lýsa einskærri ánægju með þennan viðburð ef frátalin eru lítilsháttar leiðindi sem ekki verða rakin hér

Það sem mér fannst standa upp úr á þessari uppákomu voru hljómsveitirnar Solid IV, Ensími og síðast en ekki síst Bang Gang með snillingnum Barða í broddi fylkingar
Bassajólalagið með Ensími og Jakobi Magnússyni verður að teljast Jólalag ársins og er ég ekki frá því að mér finnist Ensími vera Besta rokkband á Íslandi
Fleirri skemmtileg jólalög litu dagsins ljós þarna og var ekki annað að sjá en allir hafi skemmt sér konunglega

ljósNyndirnar eru komnar og má sjá í þartilgerðu Gallery

Vera má að þessu verði öllu sópað út og unnið upp á nýtt ef tími gefst þar sem þetta var gert í hendingu og að auki var ljósNyndaranum vart runnin rokkvíman þegar stafræn vinnsla þeirra fór fram

Ég vil nota tækifærið og minna fólk á hina margumtöluðu X-Mas tónleika sem verða á Nasa í kveld….
Eitt er víst að FréttaljósNyndari zeranico.com verður þar í öllu sínu veldi

Rétt er að taka fram að tónleikar þessir eru haldnir til styrktar Alnæmissamtökunum