Mér sýnist nú ekki vanþörf á að fara að taka til hérna, það var aldrei góð hugmynd að pósta flickr myndum hérna þar sem það hlaut að detta upp fyrir sem það og gerði.
Nú sit ég uppi með dauða myndalinka eins og krabbamein um allt bloggið mitt sem ekki nokkur kjaftur hefur ánægju af, kannski er til einhver sjálfvirk internetryksuga sem hreinsar þetta allt eins og fyrir töfra?

Ef rétt reynist sem Sigurjón Guðjónsson fullyrðir á bloggi sínu að nú sé tími til að fara að blogga eins og enginn sé morgundagurinn þá mun ég ekki láta mitt eftir liggja, en tiltektin stendur mér fyrir þrifum, ég get ekki látið þetta spurjast út…..

Nú keppast fjölmiðlar við að éta upp úr áróðursfréttum lögreglunar af haldlagningu stórhættulegra eiturlyfja sem hæglega hafði verið komið fyrir í bifreið í Norrænu með það að markmiði að smygla til Íslands.
Glæpalýðurinn hefur að sjálfsögðu verið fangelsaður & lagana verðir hrósa happi að hafa stöðvað þetta umfangsmikla smygl á þessu stórhættulega eitri, & komið þar með í veg fyrir ótal dauðsföll & heilsbrigðisvandamál.

En hvað var nú þetta hræðilega eitur sem þetta fólk hugðist eitra fyrir æsku vor með?
Jú Amfetamín, pissugult á flöskumm, voða fínt & víst af sterkustu gerð & í meira magni en nokkur sinni fyrr.
En bíddu, ég hef á ævinni hitt fullt af fólki sem fær amfetamín bara hjá lækninum sínum & unir vel við sitt?
Börnum er gefið þetta ef þau eru óþekk í skólanum & svona.

Það er sumsé þannig í pottinum búðið með eiturlyfjabrask hér á íslandi að það er einokun í bissnesnum, & það eru doktorarnir sem mega bara kála fólki með dópi.

Ef ykkur dettur eitthvað annað í hug þá eruð þið sennilega glæpahyski hvorteðer & ættuð að skammast ykkar!

Góðar Stundir

Um þessar mundir hafa orðið ákveðin kaflaskipti í mínu lífi hvað atvinnumál varðar.
Eins og þeir sem þekkja mig vita hef ég undanfarin ár starfað við endursölu og viðgerðir á tölvubúnaði ásamt því sem ég hef sinnt ljósmyndaverkefnum eftir getu og eftirspurn.

Nú er staðan hinsvegar þannig að ég hef sagt starfi mínu sem tölvulæknir lausu & mun á næstu misserum reyna að afla mér lífsviðurværis með Ljósmyndun ýmiskonar og sölu á afurðum því tengdu.

Því langar mig vinur minn að biðja þig að hafa mig í huga ef þig vantar að láta ljósmynda fyrir þig.
einnig vil ég vekja athygli á að velflestar myndir eftir mig sem birst hafa á internetinu eða annarstaðar er hægt að fá keyptar á hágæða prenti í öllum stærðum, en síðar verður mögulega ráðist í að setja upp sölusíðu þar sem kaupa má myndir mínar beint.

Fyrir þá sem ekki þekkja til þá má sjá myndir eftir mig á eftirfarandi vefsvæðum
www.zeranico.com
flickr.com/photos/zeranico

Þakkir

Ég hef einungis tvívegis verið beðinn um að taka ljósmyndir við brúðkaup.

Í fyrra skipti var það Ásdís Rán Gunnarsdóttir sem spurði mig hvort ég gæti tekið að mér að mynda brúðkaup hennar & eiginmanns hennar, sem ég man því miður ekki hvað heitir, en við hana sagði ég að ég tæki því miður ekki að mér að ljósmynda brúðkaup.

Seinna skipti var það fyrrum mágkona Barbara Hafey sem leitaði til mín þegar hún gekk í það heilaga með sínum ektamanni honum Guðmundi hinum prýðilega & tók ég það glaður að mér þó um hátíð væri.

Ég er sennilega ekki brúðkaupsljósmyndaratýpan bara….

Ég ætla að vera með kreppuljósmyndasýningu fljótlega á bílamyndum mínum frá Úkraínu.

Ég er búinn að prenta myndirnar kreppustyle heima á blekarann & er næsta skref að finna eins ódýra ramma & mögulegt er.

Síðan er pælingin að leigja bás í kolaportinu í byrjun febrúar t.d þar sem myndirnar yrðu til sýnis & sölu á kreppuverði að sjálfsögðu.

Meira um það á seinni stigum málsins.

Viðb: Myndirnar verða um 25 talsins 26X17cm með smá hvítum kanti í svörtum ramma. Myndirnar verða seldar í einu eintaki hver á sérstöku kreppuverði.

Honum finnst svo fallegt þegar hún prjónar!

Nýr zeranico.com hefur litið dagsins ljós.

í stað þess að velja svart eða hvítt sem ég stóð frammi fyrir tók vésírinn snjalli sem bauð sig fram til verksins sig til & smíðaði vef sem er hvorutveggja, því með því að smella á Black hlekkinn í fótnum verður vefurinn nefninlega eins & fyrir Barbabrellu alveg kolbikasvartur, það er nú meira hvað það er sniðugt!

Í stað þess að vera bara með rosalega mikið af drasli á þessum vef eins & hingað til hefur verið venjan reyndi ég að vanda aðeins meira til efnisvalsins, ásamt því sem það er auðvitað bara breytilegt fyrir hverju maður er stemmdur & svona er ég sumsé stemmdur núna.

Ég er að hugsa um að fara að blogga aftur eftir hlé….er einhver að hlusta?

Allavega ætla ég að skrifa að gamni mínu ítarlega myndskreytt áramótaávarp!

Ég er að rifna úr grobbi yfir hvað konan mín er flott í öðtum þætti hinnar æsispennandi vefseríu Circledrawers

So we all
Are growing old
And it’s getting old

Pull out the fear of silence
Put out the need for guidance
Put out your own devices
And don’t be afraid of the cold
Afraid of the cold
Afraid of the time
You’ve got no where to go but here.

- Silversun Pickups